Aylıq informasiya bülleteni — Oktyabr 2022

Əsas faktlar

• 2022-ci ilin yanvar-oktyabr aylarında kənd təsərrüfatı, meşə və balıqçılıq sahəsində yaradılan əlavə dəyərin ÜDM-də payı 5.1 faiz təşkil edib (Şəkil 2).
• 2022-ci ilin yanvar-oktyabr aylarında yun, barama, taxıl (qarğıdalı ilə), şəkər çuğunduru, tütün və yaşıl çay yarpağı istisna olmaqla bütün kənd təsərrüfatı məhsullarının istehsal həcmi artıb (Cədvəl 1).
• Noyabr ayının 1-nə kimi təmiz herik şumu da daxil olmaqla cari ilin payızlıq əkinləri üçün 941.8 min hektar və ya ötən ilin müvafiq dövrünə nisbətdə 14.9 faiz çox sahə şumlanıb (Cədvəl 2).
• 2022-ci ilin yanvar-oktyabr aylarında 679.2 milyon ABŞ dolları həcmində kənd təsərrüfatı məhsulu ixrac olunub.
• Kənd təsərrüfatı məhsulları ixracının həcmi ötən ilin müvafiq dövrünə nəzərən dəyər ifadəsində 4.1 faiz artıb (Şəkil 3).
• Müqayisə olunan dövr üzrə əsas kənd təsərrüfatı məhsullarının ixrac göstəriciləri Cədvəl 3-də verilib. *Heyvandarlıq məhsullarına ət, süd və qaymaq, yun, təbii bal, xam ipək və diri heyvanların dəyəri daxildir.
• Cari ilin oktyabr ayında limonun, kartofun, pomidorun, soğanın və xiyarın topdansatış qiyməti əvvəlki aya nisbətən artıb, digər məhsulların qiyməti isə aşağı olub və ya sabit qalıb (Cədvəl 4).
• Cari ilin oktyabr ayında almanın, armudun, narın, naringinin, kivinin, əzgilin, heyvanın, korolyokun, limonun, feyxoanın, kartofun, pomidorun, bibərin, balqabağın, soğanın, xiyarın, yerkökünün və çuğundurun qiyməti keçən ilin müvafiq dövrünə nisbətən yüksək olub, digər məhsulların qiyməti isə aşağı olub və ya sabit qalıb (Cədvəl 5).

Kənd təsərrüfatı məhsullarının ixracı · yanvar–oktyabr